युवा पिढीत पसरत चाललेल्या इंग्रजी नववर्ष स्वागताचे खूळ कमी करता येणार नाही पण त्यांना आपल्याही नववर्ष स्वागताचे मधुर क्षण अनुभवता यावेत यासाठी प्रत्येक वर्षी गुढीपाडव्या निमित्त नववर्ष स्वागत यात्रेचे आयोजन करण्यात येते. लेजिम, वारकरी भजन, बैलगाड्या, घोडे, वेशभूषा केलेली मुले आणि जात-पात, पंथ, संप्रदाय, पक्ष ही भेदाभेद गाडून पारंपारिक वेशात आलेली जनता या यात्रेचे वैशिष्ट्य असते. यात्रेत सामील झालेल्या ३ महिलांना उत्तेजन देण्यासाठी लकी ड्रॉ द्वारे ३ पैठणी साड्या प्रदान करण्यात येतात. तसेच संस्थेच्या प्रवेशद्वारी गुढी उभारून सुबक रांगोळी काढणाऱ्या किंवा यात्रेत एनकेन प्रकारे बहुसंख्येने समाविष्ट झालेल्या संस्थांना स्मृतिचिन्ह देण्यात येते.